Canllawiau monitro a gwerthuso
Mae monitro a gwerthuso yn brosesau pwysig iawn i’ch helpu i reoli’ch prosiect newydd yn effeithiol a chynhyrchu’r canlyniadau gorau yn brydlon, darparu tystiolaeth sut mae’ch prosiect wedi llwyddo a rhannu tystiolaeth o’ch arferion gorau gydag eraill. Bydd yn cyfrannu hefyd at asesiad cyffredinol o sut mae’r Cronfeydd Strwythurol yn gweithio yng Nghymru.
Cynllun monitro a gwerthuso
Efallai bod gan eich sefydliad/mudiad drefniadau manwl eisoes ar gyfer monitro a gwerthuso, ond rhaid gofalu bod eich cynlluniau a’ch trefniadau’n bodloni safonau WEFO a’r Comisiwn Ewropeaidd, eu bod yn dangos y systemau a’r dangosyddion y byddwch yn eu defnyddio ac yn esbonio sut y byddwch yn gwerthuso prosiectau.Bydd disgwyl ichi baratoi’ch cynllun monitro a gwerthuso yn ystod proses datblygu’ch prosiect. Bydd WEFO wrth law i roi cyngor ichi ym mhob cam o ddatblygiad eich prosiect. Bydd eich cynllun monitro a gwerthuso’n rhan o becyn tystiolaeth eich prosiect.
Cyngor a rhagor o wybodaeth
Mae cyngor ar Fonitro a Gwerthuso i’w gael ar y wefan hon i’ch helpu i ddatblygu cynllun monitro a gwerthuso’ch prosiect. Mae rhagor o wybodaeth ar gael hefyd, gan gynnwys diffiniadau o ddangosyddion yr ERDF a’r ESF, adrodd ar y swyddi sydd wedi’u creu ac enghreifftiau o dempledi ar gyfer casglu data.Os oes gennych gwestiynau am fonitro a gwerthuso’ch prosiect, cysylltwch yn gyntaf â Swyddog Datblygu Prosiectau WEFO, a fydd yn pasio’ch ymholiad at Dîm Ymchwil, Monitro a Gwerthuso WEFO ichi gael cyngor pellach.