Canllawiau hawlio taliadau
Mae WEFO wedi ymrwymo i brosesu taliadau cyn gynted â phosibl i noddwyr sy’n hawlio grantiau ar gyfer prosiectau sydd o dan raglenni’r Cronfeydd Strwythurol Ewropeaidd.
Mae’r Canllawiau i noddwyr sy’n hawlio taliadau yn cynnwys gwybodaeth i’ch helpu i gyflwyno hawliadau’n uniongyrchol i WEFO trwy WEFO Ar-lein, gwasanaeth rhyngrwyd diogel sy’n caniatáu i noddwyr ei ddefnyddio i rannu gwybodaeth a chwblhau busnes gydag WEFO dros y we. O wneud hyn, gallwn brosesu’r taliadau’n gynt.
Rhaid i’r noddwr lenwi ffurflenni hawlio’n llawn a’u cyflwyno ar yr adegau penodedig, hyd yn oed os nad oes rhagor o wariant ac nid yw taliad yn cael ei hawlio. Mae’r broses hon yn ein helpu i fonitro cynnydd eich prosiect yn erbyn y dangosyddion yn eich Proffil Darparu.
Hefyd, bydd yn rhaid i chi gyflwyno Rhestr Trafodion i ategu’r gwariant sy’n cael ei hawlio ac Adroddiad Cynnydd yn crynhoi cynnydd y prosiect yn ystod y cyfnod hawlio perthnasol.
Hefyd, rhaid i noddwyr gyflwyno Adroddiadau Archwilio/Cyfrifon blynyddol a therfynol i WEFO er mwyn tystio i’r gwariant sydd wedi’i hawlio ar gyfer y prosiect. Mae rhagor o fanylion yn yr adran canllawiau ar gynnal Archwiliadau Allanol ar Brosiectau.
I gael rhagor o wybodaeth
I gael help a chyfarwyddyd i hawlio taliad, cysylltwch â ni:
E-bost: WEFOPayments@wales.gsi.gov.uk neu ffoniwch Linell Gymorth WEFO ar 0845 010 3355.