Y Timau Ewropeaidd Arbenigol (TEG)

Pwy gall y TEG ei helpu?

• Cyrff a sefydliadau’r sector cyhoeddus, y sector preifat a’r trydydd sector ynghyd ag unigolion i gael arian Ewropeaidd yng Nghymru.
• Sefydliadau neu fusnesau sy’n datblygu neu’n rheoli prosiectau Ewropeaidd a ariennir trwy’r rhaglenni Cydgyfeirio neu Gystadleurwydd a Chyfl ogaeth rhanbarthol.
• Prosiectau sydd am ymgysylltu â phartneriaid neu â sefydliadau cyflenwi posibl yn lleol neu’n rhanbarthol.

Sut mae’r TEG yn gallu helpu?

Gallwn:

• eich helpu i weithio gyda Swyddfa Cyllid Ewropeaidd Cymru i ddatblygu eich prosiectau.
• helpu i’ch rhoi mewn cysylltiad â sefydliadau eraill, rhanddeiliaid, partneriaid posibl a sefydliadau arian cyfatebol a allai fod â diddordeb yn eich cynigion prosiect neu eich syniadau am brosiectau tebyg, a gallwn ni helpu mewn trafodaethau â hwy.
• eich helpu i ddeall strategaethau, cynlluniau gweithredu a chanllawiau perthnasol.
• eich helpu i ddeall sut y mae eich prosiect yn ‘cyd-fynd’ â’r blaenoriaethau a’r fframweithiau strategol perthnasol.
• roi’r wybodaeth ddiweddaraf i chi am raglenni, prosiectau neu gyfl eoedd ariannu eraill.
• eich helpu trwy’r broses gaffael i weithredu prosiectau’r UE.
• eich hysbysu am gyfl eoedd i dendro am waith gweithredu prosiectau eraill yr UE.
• darparu rhwydwaith o gymorth a chyngor arbenigol i noddwyr prosiectau yn ystod pob cam o’r gwaith datblygu a gweithredu.

Pwy sy’n cymryd rhan yn Rhwydwaith y TEG?

Rhwydwaith o arbenigwyr ar gyllid Ewropeaidd yw'r Timau Ewropeaidd Gofodol. Maent yn gweithio mewn pedair rhan o Gymru - y de-ddwyrain, y de-orllewin, y canolbarth a'r gogledd, ac yn cynnwys y sefydliadau canlynol:

• Llywodraeth Cymru
• Awdurdodau Lleol
• Cyngor Gweithredu Gwirfoddol Cymru (CGGC)