Rhaglenni

Rhaglenni Cronfeydd Strwythurol Ewropeaidd 2007–2013 yng Nghymru

Ar gyfer cyfnod rhaglenni 2007–2013, mae Cymru yn gymwys ar gyfer cymorth y Cronfeydd Strwythurol Ewropeaidd ar gyfer tri math o raglen: 

• Cydgyfeirio sy’n cynnwys Gorllewin Cymru a’r Cymoedd
• Cystadleurwydd a Chyflogaeth Rhanbarthol sy’n cynnwys Dwyrain Cymru
• Cydweithredu Tiriogaethol, gan gynnwys rhaglen drawsffiniol Iwerddon/Cymru.

Mae manylion ar gael am hynt rhaglenni 2007–2013, gan gynnwys manylion am y buddiolwyr sydd wedi derbyn cefnogaeth, a hynny’n unol â Rheoliadau Ewropeaidd.

Cyflawni’r rhaglenni’n strategol ar gyfer creu swyddi ac ehangu

Mae’r rhaglenni yng Nghymru, sy’n cael eu darparu gan Swyddfa Cyllid Ewropeaidd Cymru, yn canolbwyntio ar greu swyddi cynaliadwy a thwf a hynny’n unol ag agendâu Lisbon a Gothenburg yr Undeb Ewropeaidd a pholisïau a strategaethau Llywodraeth Cymru.

Y mae agwedd mwy strategol i’r ffordd y caiff y rhaglenni eu cyflawni ar gyfer y cylch rhaglenni hwn, gyda llai o brosiectau mwy strategol yn cyflawni blaenoriaethau’r Rhaglenni Gweithredol. Bydd yr agwedd hon yn sicrhau nad oes cymaint o weithgareddau yn cael eu dyblygu a bod gymaint o adnoddau â phosibl ar gael er budd pobl, busnesau, cymunedau ac amgylchedd Cymru.