Cronfa Arian Cyfatebol a Dargedir
Cronfa sy'n cynnig y cyfle olaf i brosiectau'r UE yw’r Gronfa Arian Cyfatebol a Dargedir (TMF) ac mae wedi rhoi arian cyfalaf a refeniw i nifer o wahanol gynlluniau sydd o dan arweiniad sefydliadau o bob sector.
Mae cronfa Arian Cyfatebol a Dargedir Llywodraeth Cymru wedi ymrwymo £102 miliwn o Arian Cyfatebol a Dargedir i 34 o brosiectau'r UE sydd werth £425 miliwn.
Gwneud cais i’r Gronfa Arian Cyfatebol a Dargedir
Noder: Yn dilyn Adolygiad Cynhwysfawr o Wariant ym mis Hydref 2010, bu'n rhaid i'r datganiad ar gyllideb ddrafft Llywodraeth Cymru ar 17 Tachwedd adlewyrchu gostyngiadau sylweddol mewn cyfalaf. Mae'r TMF felly wedi'i ostwng.
Ni ellir derbyn rhagor o geisisdau TMF am gymorth cyfalaf ond gellir gwneud cais o hyd am gymorth refeniw TMF. Caiff y ceisiadau am gymorth refeniw eu hystyried ar yr un pryd â'r Cronfeydd Strwythurol cysylltiedig.
I wneud cais am gymorth refeniw oddi wrth y TMF:
- Cronfa pan fetha popeth arall yw’r TMF; felly bydd angen i ymgeiswyr ddangos eu bod wedi cymryd pob cam posibl i gael arian cyfatebol o ffynonellau eraill cyn troi at y TMF.
- Rhaid cysylltu â’ch Swyddog Datblygu Prosiect perthnasol yn WEFO cyn gwneud cais;
- Rhaid sicrhau eich bod yn darllen canllawiau cyffredinol TMF a'r Graddau Blaenoriaethu gwahanol ar gyfer y Themau.
- Rhaid sicrhau eich bod yn darllen canllawiau cais TMF cyn llenwi ffurflen gais TMF;
- Os yw’ch cais TMF yn llwyddiannus, bydd eich Swyddog Datblygu Prosiect yn WEFO yn anfon llythyrau atoch yn cadarnhau’r cyfanswm a ddyfarnwyd, y proffil gwariant a thelerau ac amodau cysylltiedig y grant TMF.